إيناس الدغيدي بكل جرأة: عشت المساكنة قبل الزواج، عمري 70 عاما ومستحيل ألبس الحجاب!

وأشارت إيناس في بداية اللقاء إلى أول لحظة جرأة في حياتها، موضحة "لما دخلت الفن ومعهد السينما لإن إحنا عيلة مالهاش علاقة بالفن، عيلة ملتزمة دينيا ووالدي كان مدرس لغة عربية ودين"

وعن رأيها في التحرش قالت إيناس الدغيدي: "أنا مش عارفة يعني إيه التحرش، التحرش السبب فيه الست، بحمل الست المسئولية لما أقول أنا حد اتحرش بيا هيتحرش بيا ليه؟ لو هو مريض هياخد بالقلم ومش هيكمل، في ستات بيلعبوا لعبة ويقولوا تحرش أنا مش مع أن التحرش بيجي من الراجل الست في جزء من تصرفاتها تخلي الراجل يتحرش بيها".

ووجهت مقدمة البرنامج سؤالا لإيناس الدغيدي عن الشيء الذي مستحيل أن تقوم به أن تتحجب أو أن تتزوج مرة ثانية، وكانت إجابتها: "ماتحجبش طبعا، أنا مقدرش أعيش من غير حب، لو في عرسان أنا جاهزة موجودة، ممكن أحب شخص أنا شايفاه أنه يصلح إني أحبه لكن هو مش مديني كل المعطيات بتاعة الحب لكن هفضل أحبه، وهو موجود وعارف".

‏إيناس الدغيدي تكشف عمرها
وبسؤال إيناس أي سؤال تختار أن تجيب عليه: حجم ثروتها أم الكشف عن سنها الحقيقي، اختارت الإجابة عن السؤال الذي تراه الكثير من النساء صعبا، وقالت "السنة دي عمري 70 سنة وعلى فكرة سعيدة جدا، سن السبعين سن جميل أنا من مواليد 1953، وسعيدة لإن مش حاسة إن فيه حاجة اختلفت في حياتي، مش حاسة إني كبرت أو تعبت وحاسة إن عندي عطاء".

وتابعت "لسه مشفتش خط النهاية في حياتي بس عندي حتة خيالية في كل شيء، حاسة إن الموت حياة فيها جمال مش خايفة منه، حاسة إنه أكثر هدوءا وروحانيا وحتة مش عارفة إيه هي وأنا عايزة اكتشف كل حاجة، أنا الوحيدة اللي هتموت وترجع تقولك حصل إيه اتوقعوها مني في يوم من الأيام".

من هي ايناس الدغيدي
ودين".جدير بالذكر أن إيناس الدغيدي واحدة من أشهر المخرجات في السينما المصرية، وحققت نجاحات كبيرة من خلال أفلامها التي تناولت قضايا مهمة وجريئة، بينها: عفوا إيها القانون، الباحثات عن الحرية، كلام الليل، مذكرات مراهقة، امرأة واحدة لا تكفي، التحدي، قضية سميحة بدران، ديسكو ديسكو.

يذكر أن آخر أعمال إيناس الدغيدي كان فيلم "مجنون أميرة" وعرض عام 2009، من بطولة نورا رحال وحازم سمير ومصطفى هريدي، تأليف أشرف شتيوي، سيناريو وحوار مصطفى محرم.