تامر حسني (ابو قلب طيب) يقبل اعتذار شذى التي هاجمته! المسامح كريم!

اعتذار شذى
وكانت شذى التقت بـتامر حسني في حفل بالساحل الشمالي ونشرت صورتها معه وكتبت رسالة وجهت من خلالها اعتذارها قائلة: "من غير ما أفكر وأحاول ارتب الكلام إنت أكتر واحد في العالم عارف حبي ليك قد إيه وأكتر واحد برضوا عارفني وعارف أني على الله حكايتي ودماغي بتسوحني كتير، حقك عليا ودايما العتاب بيكون على قد الغلاوة وعلشان غلاوتك كتير هبت معايا زيادة متزعلش مني، وهتفضل صاحب عمري اللي عدينا مع بعض كتير الوحش قبل الحلو يا وش قفص قلبي".

تامر ضيف شرف!
وكانت تحدثت شذى عن تامر حسني خلال لقائها في برنامج "أنا سعيد"، الذي يقدمه الإعلامي سعيد جميل: "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر".