كشف الفنان المصري أحمد سلامة عن تفاصيل إنقاذ الزعيم عادل إمام له من ورطة وقع فيها، خلال تصويره فيلم "المولد" في جزيرة قبرص.
أحمد سلامة يكشف تفاصيل إنقاذ عادل إمام له
وقال أحمد سلامة في تصريحات تلفزيونية لبرنامج "مع خيري" مع الإعلامي خيري رمضان: "عادل إمام شخصية في غاية الجدعنة اللي في الدنيا، كنا بنصور فيلم المولد في قبرص ونازلين في الشيراتون، وأنا عايش حياتي في الطلبات وفاكر إن كله معزوم".
أحمد سلامة عن عادل إمام: "شخصية في غاية الجدعنة، أنقذني من موقف صعب.."
وأضاف: "نزلت أدفع الحساب علشان نرجع مصر، لقيت فاتورة بحوالي 3 آلاف جنيه قبرصي، وكان أيامها بـ 6 جنيه مصري ورقم، والممثل لو صابح مسافر بيشتري هدايا بالعملة، وكان مش معايا ولا مليم، وابتديت أبص في الأوتيل أشوف همسح وأنضف ايه".
وتابع: "اتصلت بأستاذ عادل وقلت له على المشكلة، فقال خد شنطتك واستناني، ونزل أخدني وركبنا الباص وسافرنا ومعرفش حصل إيه، لكن الفاتورة اتدفعت". وأوضح أحمد سلامة أنه حاول رد قيمة الفاتورة إلى عادل إمام قائلا: "حبيت في مناسبة أرجع له الفلوس، فقاللي يا أحمد إنت فاكر أنا اللي دفعت؟ أنا بقول للإنتاج يدفع، بس إنت جدع، وربطتني به صداقة استمرت فترة وأنا أعشق هذا الرجل".
أحدث أعمال أحمد سلامة
يُذكر أن أحدث أعمال أحمد سلامة، هو مسلسل "سر إلهي" بطولة روجينا أحمد مجدى، رنا رئيس، مى سليم، محمد ثروت، نهى عابدين، محمود الحدينى، وصلاح عبدالله، وأحمد بدير، وميمي جمال، ومحسن منصور، ومي سليم، ورشا مهدي، ومراد مكرم، ومحمود حجازي، تأليف أمين جمال، وإخراج رؤوف عبدالعزيز.
للتواصل معنا 